Saturday, July 22, 2017

காதலிப்பிரவேசம்

ஒரு விடுமுறை நாளில்
என் அறைக்கு வந்து
என் சமையலை ருசித்துவிட்டு
சிரிக்க சிரிக்க கதைபேசிவிட்டு
சிறிதொரு தருணத்தில் முறைத்துவிட்டு
"படம் பாக்கலாம் வா" என
அருகே அமர வைத்துவிட்டு
கையைக் காட்டிக்கொண்டே
கண்ணயர்ந்து போனாய் என் தோளில்.
கண்ணிமைக்க மறந்துபோய்
காதலிக்கலானேன் நான்..!

-செல்லா

Thursday, July 20, 2017

பிய்ந்த செருப்பு

பள்ளிக்குச் செல்கிறது குழந்தை.
பரிசாய்
அப்பனின் காலில் கிடக்கிறது
"பிய்ந்த செருப்பு"

-செல்லா

Wednesday, July 19, 2017

ஓர் இனிய நாளில்

முன்பின் அறியா
முதியவரின் சிரிப்பும்,
"மிச்சம் இந்தப்பா" என நீளும்
நடத்துனரின் கைகளும்,
கவனமாய்த் துரத்திவந்து
கத்திப் போகும் "சைட் ஸ்டாண்ட்" களும்
வாரி இறைத்துப் போகிறது,
சில தூசிகளையும்
பல நல்லுள்ளங்களையும்..!

-செல்லா

என்ன விதி?

ஒவ்வொரு வினைக்கும் எதிர் வினை உண்டு. இது நியூட்டனின் மூன்றாம் விதி என்கிறாய். அப்படியானால் நான் தரும் ஒவ்வொரு முத்தத்திற்கும் பதில் ...