Monday, October 3, 2016

தேவதையின் வரவு..!

மீண்டும் என் வாழ்க்கை ஆசிர்வதிக்கப்பட்டது,
ஒரு தேவதையின் வரவால்..!


-செல்லா

Monday, September 19, 2016

அந்த ஒற்றைக் கூந்தல்..!

அருகே தொடாமல் நீ
அமர்ந்திருக்கும் போதும்,
மெலிதாய் நம்மேல்
வீசிச்செல்லும் காற்றினில்,
உன் எல்லை தாண்டி
என்னைத் தீண்டிப் போகும்,
அந்த ஒற்றைக் கூந்தலிடம் சொல்லி வை.
இல்லாள் என நீ ஆகும் வரை,
எல்லை தாண்டாது என் விரல்கள் என..!


-செல்லா

Thursday, September 15, 2016

சில கிறுக்கல்கள்..!

எதையாவது ஒன்றை
ஒரு குறுஞ்செய்தியாய் அனுப்ப எத்தனிக்கிறது மனம்..!
விரல் வழியே
ஓர் உரையாடலைத் துவக்கி,
மெதுவாய்
உன்னோடு பேசத் துவங்கி,
சிரிதாய் நின்னைச் சிரிக்க வைத்து,
மெலிதாய்க் கொஞ்சம் கோபப்படுத்தி,
கொஞ்சம் கொஞ்சி,
கொஞ்சம் கெஞ்சிப்
பேசிட நினைத்த
நினைவுகளையெல்லாம்,
வெறுமனே அழித்துப் போகிறேன், உனக்கு
அனுப்ப வேண்டி எழுதி வைத்த
குறுஞ்செய்தியுடன்.
வெட்கப்பட்டுக் கொண்டல்ல,
எங்கே இவை
வேதனைப்படுத்தி விடுமோ என்றெண்ணி..!


உன் அருகாமையை வீசிப் போகும்
அதிகாலைப் பொழுதுகள்
என்றும் சுகமானவை
எனக்கு....!


உன்னைக் காதலிப்பதில்
எப்பொழுதுமே போட்டிதான்,
எனக்கும், என் கவிதைகளுக்கும்...!
அதிகமாய் நேசிப்பதென்னவொ நான் தான்..!
ஆனால்
ஜெயிப்பதென்னவோ
கவிதைகள் தான்..!
அவை தானே உன் அன்பைப் பெறுகின்றன,
"அருமையான கவிதை" என்று...!


கவிதைகளால் காதலிக்கிறேன் நான்!
மெளனத்தால் நிராகரிக்கிறாய் நீ!
நடுவில் அவஸ்தையாய் காதல்..!


கவிதையை நேசித்துவிட்டு,
கவிஞனை வெறுக்கும்,
இக்கால முரண்தொடை
நீ....!


அலைபேசி வேலை செய்கிறதா என,
அடிக்கடி சரி பார்க்கிறேன்.
உன் அழைப்பு வராத போது..!


மனப்பாடமாகத் தெரிந்தாலும்
பதிந்தே வைக்கிறேன் உன்
அலைபேசி எண்ணை..!
வரும் ஒவ்வொரு குறுந்தகவலும்,
உன் பெயரை காட்டட்டுமே என..!




-செல்லா

Saturday, July 30, 2016

உன்மீதான அந்தக் 'காதல்'..!

யாரோ
எப்போதோ அனுப்பும்
ஒரு குறுஞ்செய்தி
தூண்டிப்போகும்
உன் நினைவுகளையும்,
விளைவாய்
விழி தேடி அலையும் உன்
இறந்தகால உரையாடல்களையும்,
மீண்டும் நேசித்து,
மீண்டும் சுவாசித்துவிட்டு
மறுமுறை என்னைக்
கடந்து போகிறது,
உன்மீதான அந்தக்
'காதல்'..!


-செல்லா

Tuesday, April 12, 2016

அவள் உறக்கம்

அந்தத் தொலைபேசி அழைப்பின்
ஒரு முனையில்
பேசிக்கொண்டே அவள் தூங்கிவிடுகிறாள்!
மறுமுனையில்
அமைதியாய்க் காதலிக்கத் துவங்குகிறேன்,
அவளையும் அழகிய அவள் உறக்கத்தையும்...! ❤❤❤❤

-செல்லா

தேவதைகள்

வானில் பறக்காமல் ஸ்கூட்டியில் பறக்கும் தேவதைகளும் உண்டு...!

❤❤❤❤

- செல்லா

Sunday, March 27, 2016

ஜூனியர் அலப்பறைகள்

நான்: பாப்பா என்னமா பண்ணிக்கிட்டு இருக்க?
என் தங்கச்சி பொண்ணு: வீடு கட்டிக்கிட்டு இருக்கேன்.
நான்: அதென்ன வீட்டுக்குள்ள ஏதோ நீளமா இருக்கு?
என் தங்கச்சி பொண்ணு: அது HIT. வீட்டுக்குள்ள கப்பான் (கரப்பான்) பூச்சி வந்தா என்ன செய்யுறது?

#ஜூனியர்_அலப்பறைகள்

என்ன விதி?

ஒவ்வொரு வினைக்கும் எதிர் வினை உண்டு. இது நியூட்டனின் மூன்றாம் விதி என்கிறாய். அப்படியானால் நான் தரும் ஒவ்வொரு முத்தத்திற்கும் பதில் ...