உயிர்மொழி

காலியாய் இருக்கும்  உன் இருக்கையைத்தான் காதலிக்கிறேன், நீ அலுவலகம் வராத நாட்களில்..!  -செல்லா

எதையோ கேட்கும் நண்பனுக்கு, உன் பெயரை விடையாய்க் கொடுத்துவிட்டு, பின் நாக்கைக் கடிக்கும் அந்த நொடியில் தான் வெளிப்பட்டுத் தொலைகிறது, உன் மீதான காதல்..!  -செல்லா

L.H.S = R.H.S என்று எழுதவேண்டிய இடங்களில் எல்லாம் இடது பக்கம் உன் பெயரையும் வலது பக்கம் என் பெயரையும் எழுதிவிட்டு வருகிறேன்..! - செல்லா

எந்த வேதிவினைச் சமன்பாடு கொண்டு விளக்கித் தொலைப்பேன், நீ கடந்து செல்லும் போது எனக்குள் நிகழும் ஆயிரமாயிரம் வேதி வினைகளை... ! - செல்லா

உலகின் இந்த மூலையில் இந்த நிமிடத்தில் நினைத்துக்கொண்டிருக்கிறேன். இதே போல் இன்னொரு மூலையில் இன்னொரு நிமிடத்தில் நீ என்னை நினைத்துக்கொண்டிருப்பாயோ என..! -செல்லா

காதலுக்கும், தபூ ஷங்கருக்கும் மட்டுமே புரிகிறது, காதலையே சொல்லாமல், காதலோடு வாழும் வாழ்க்கை எவ்வளவு சுகமானது என்று..! - செல்லா

இதயம் எப்போதும் எக்ஸ்பாண்டபில் ஹார்ட் டிஸ்க்காகவே மாறிவிடுகிறது, உன் நினைவுகளைச் சேமிக்கத் துவங்கும் போது..! -செல்லா