Sunday, November 5, 2017

சட்டை

எதிர்வீட்டு சுடிதார் காதலியிடம்,
கையசைத்துக் கவிதை பேசுகிறது,
காற்றில் ஆடும் சட்டை..!

-செல்லா

பாட்டியின் சமையல்

மழலைகால நினைவுகளையும்
சேர்த்தே பரிமாறுகிறது,
பாட்டியின் சமையல்..!

-செல்லா

தண்ணீர்க்குழாய்

தாகத்தில்
தவிப்பவனை எண்ணி
அழுகிறது.
ஒழுகும்
தண்ணீர்க்குழாய்..!

-செல்லா

Thursday, September 7, 2017

சருகுகளல்ல யாம்

நசுக்கும் கால்களுக்குத்
தெரிவதில்லை.
கருகிச் சாக நாம்
சருகுகளல்ல.
விருட்சமாய் வெகுண்டெழும்
ஆலமர விதைகளென..!

செல்லா

புதுக்குறள்

வஞ்சம் யார்க்கும் எளிய! அரியவாம்
நெஞ்சில் உறுதி கொளல்.

செல்லா

Friday, August 25, 2017

விநாயகர் வேண்டுதல்

உன் வேண்டுதலுக்காகக்
கொழுக்கட்டை பிடித்து
பிள்ளையாருக்குப் படிக்கிறாய்
ஊர்க்கோவிலில்.
நீ பிடித்த
கொழுக்கட்டை
முதலில் படைக்கப்பட வேண்டி
வேண்டிக்கொள்கிறார் பிள்ளையார்..!

-செல்லா

Saturday, July 22, 2017

காதலிப்பிரவேசம்

ஒரு விடுமுறை நாளில்
என் அறைக்கு வந்து
என் சமையலை ருசித்துவிட்டு
சிரிக்க சிரிக்க கதைபேசிவிட்டு
சிறிதொரு தருணத்தில் முறைத்துவிட்டு
"படம் பாக்கலாம் வா" என
அருகே அமர வைத்துவிட்டு
கையைக் காட்டிக்கொண்டே
கண்ணயர்ந்து போனாய் என் தோளில்.
கண்ணிமைக்க மறந்துபோய்
காதலிக்கலானேன் நான்..!

-செல்லா

சட்டை

எதிர்வீட்டு சுடிதார் காதலியிடம், கையசைத்துக் கவிதை பேசுகிறது, காற்றில் ஆடும் சட்டை..! -செல்லா