Thursday, December 7, 2017

என்ன விதி?

ஒவ்வொரு வினைக்கும்
எதிர் வினை உண்டு.
இது நியூட்டனின்
மூன்றாம் விதி என்கிறாய்.
அப்படியானால்
நான் தரும்
ஒவ்வொரு முத்தத்திற்கும்
பதில் முத்தம் தராமல் இருப்பது
என்ன விதி?

-செல்லா

Tuesday, December 5, 2017

என் ஆசை

விழும் மழையெல்லாம்
விழுங்கிவிடும் மண்தரையைப்போல், உன்
விழிப்பார்வையெல்லாம்
விழுங்கிவிட ஆசை...!

-செல்லா

Sunday, December 3, 2017

விழியீர்ப்பு விசை

புவியீர்ப்பு விசையின் படி,
எல்லா பொருட்களும்
பூமியை நோக்கி வருமாம்..!
உன்
விழியீர்ப்பு விசையின் படி,
எல்லா இதயங்களும்
உன்னை நோக்கியே வரும்..!

-செல்லா

Tuesday, November 28, 2017

கனா வீதி - 1

வீடு கட்டக்
கொட்டியிருந்த மணலை
வாரி இறைத்து
விளையாடிய பொழுதுகளில்
வாரி அணைத்துக் கொண்டது
அந்த வீதி.
விசிறியடிக்கப்பட்ட மணலையும்,
விழுந்து புரளும் எங்களையும்..!

- செல்லா

Sunday, November 5, 2017

சட்டை

எதிர்வீட்டு சுடிதார் காதலியிடம்,
கையசைத்துக் கவிதை பேசுகிறது,
காற்றில் ஆடும் சட்டை..!

-செல்லா

பாட்டியின் சமையல்

மழலைகால நினைவுகளையும்
சேர்த்தே பரிமாறுகிறது,
பாட்டியின் சமையல்..!

-செல்லா

தண்ணீர்க்குழாய்

தாகத்தில்
தவிப்பவனை எண்ணி
அழுகிறது.
ஒழுகும்
தண்ணீர்க்குழாய்..!

-செல்லா

என்ன விதி?

ஒவ்வொரு வினைக்கும் எதிர் வினை உண்டு. இது நியூட்டனின் மூன்றாம் விதி என்கிறாய். அப்படியானால் நான் தரும் ஒவ்வொரு முத்தத்திற்கும் பதில் ...